Цуды

цуды рабіць ня проста
найперш патрэбная сцэна
да сцэны патрэбны падмосткі
ды аркестровая яма
на сцэне патрэбны акторы
а дзеля актораў - людзі
а дзе ты цяпер іх знойдзеш?

Навука

Навука гораў і долаў -
Найбольшая, мабыць, навука
З навукаў пра сьвету староны, -
Як могуць ствараць кірункі?
Да немагчымых цэляў?

Часы і мейсцы

Колькі мейсцаў было на сьвеце
А колькі было часоў
І куды яны ўсе падзеліся
І калі яны будуць зноў